ముంబై విమానాశ్రయంలో నటి దీపికా పదుకొనే తన కుమార్తె దువా ఫోటో తీసిన ఒక అభిమానిపై తీవ్ర ఆగ్రహం వ్యక్తం చేశారు.
బాలీవుడ్ స్టార్ దంపతులు దీపికా పదుకొనే, రణ్వీర్ సింగ్ తమ కుమార్తె దువా పదుకొనే సింగ్ను మీడియాకు, బహిరంగ ప్రదేశాలకు దూరంగా ఉంచుతూ వస్తున్నారు.
తమ కుమార్తె ప్రైవసీకి భంగం కలగవద్దని, ఆమె ఫోటోలు తీయవద్దని వారు అభిమానులను మరియు మీడియాను చాలాసార్లు కోరారు.
అయితే, ఇటీవల ముంబై అంతర్జాతీయ విమానాశ్రయంలో ఊహించని సంఘటన జరిగింది. దీపిక తన కుమార్తె దువాతో ఎయిర్పోర్ట్ బగ్గీలో ప్రయాణిస్తుండగా, ఒక అభిమాని వారిని రహస్యంగా వీడియో తీశారు. ఈ వీడియోలో దువా ముఖం స్పష్టంగా కనిపించింది.
ఇది గమనించిన దీపిక వెంటనే స్పందించి, వీడియో తీస్తున్న వ్యక్తిని ఆపమని చేతితో సైగ చేస్తూ, తీవ్రమైన కోపంతో చూశారు.
దీపిక వారిస్తున్నప్పటికీ, ఆ అభిమాని వీడియోను సోషల్ మీడియాలో పోస్ట్ చేయడంతో అది క్షణాల్లో వైరల్గా మారింది.
ఈ సంఘటనపై నెటిజన్లు తీవ్ర ఆగ్రహం వ్యక్తం చేస్తున్నారు. తల్లిదండ్రులు తమ బిడ్డ గోప్యతను కోరుకుంటున్నప్పుడు, దానిని గౌరవించాలని, వారి అనుమతి లేకుండా ఫోటోలు, వీడియోలు తీయడం తప్పని పలువురు అభిమానులు మద్దతుగా నిలుస్తున్నారు.
ఈ సంఘటన, సెలబ్రిటీల పిల్లల ప్రైవసీ హక్కుల గురించి మరోసారి చర్చను రేకెత్తించింది. గతంలో అనుష్క శర్మ-విరాట్ కోహ్లీల కుమార్తె వామిక విషయంలో కూడా ఇలాంటి సంఘటనలు జరిగినప్పుడు కూడా ఇలాగే చర్చ జరిగింది.
.jpg)
.jpg){kind=spacer}
Posts
No comments
Post a Comment